info@dom-mamy.kz
Бақытты ата-ана болуға дайынсыз ба?
Балалар үйі мен сәбилер үйінде тәрбиеленіп жатқан балалардың жайлы үй мен отбасы туралы армандарын орындағыңыз келе ме?
Кәсіби дайындық, қабылдаушы отбасыларды сүйемелдеу және қазақстандық қоғамда бала асырап алу мәдениетін дамыту
Ұлттық бала асырап алу агенттігі
Қор мамандары балалар үйі мен сәбилер үйінің тәрбиеленушілерін өз отбасына қабылдауға ниет білдірген азаматтарға (отбасыларға) консультациялық көмек көрсетеді.
Агенттік психологтары әлеуетті асырап алушыларды Қабылдаушы ата-аналар мектебінде оқытады, олар даму психологиясы, асырап алынған баламен байланыс орнату және бүкіл отбасының өзгерістерге “жұмсақ” бейімделуі туралы құнды білім алады.
Сіз Қабылдаушы ата-аналар мектебінде келесіні үйренесіз:
асырап алынған баланың ерекше қасиеттері мен қажеттіліктерін білу
қабылдаушы ата-ана ретінде қабілеттеріңіз бен мүмкіндіктеріңіз туралы хабардар болу
отбасына қандай баланы қабылдауға болатынын және сізге қандай орналастыру нысаны сәйкес келетінін түсіну
Қабылдаушы
ата-аналар мектебі
ҚАМ мақсаты – ата-аналарды балалар үйінен баланы қабылдауға дайындау, қажетті ақпаратпен қамтамасыз ету, дағдыларды үйрету, маңызды сұрақтарға жауап табуға көмектесу, өз мүмкіндіктері мен шектеулерін түсіну, қабылдаушы ата-ана болуға дайындығын түсіну.
Итоги направления
9 жыл
Ішінде Ана үйінің жұмысы. 2021 жылдың шілде айынан бастап Ресурстық орталықтың көмегімен балалар интернатына уақытша орналастырылған 235 бала туған отбасына қайтарылды.
Бағыттың нәтижелері
67%
«Ана үйі» елдегі аналардың жаңа туған балаларынан потенциалды бас тартуының 67% алдын алады
5800
Әйелдер қордан уақтылы атаулы әлеуметтік көмек алды және олардың балалары отбасында қалып, балалар үйіне түспеді
Аналардың оқиғалары
Ахмедсадықовтар отбасы
Бибігүл мен Қуаныштың өз балалары болмады. Бірақ қазір олар үш баланың ата-анасы. Ерлі-зайыптылар баланы балалар үйінен алу туралы ұзақ уақыт ойлады. Бастамашы – Қуаныш. Көптеген жұптар сияқты 2 жасқа дейінгі қызды таңдағысы келді. Қыз баланың кішкентай кезінде бейімделуі жылдам, оңай болады деген қатып қалған қағидат бар. Бірақ, өкінішке орай, ол кезде базада мұндай сәбилер жоқ еді.
Кейін ерлі-зайыптылар Қабылдаушы ата-аналар мектебінде оқудан өтті және олардың бала асырап алу мәселесіне көзқарасы күрт өзгерді. Олар енді баланың жасы мен жынысына назар аудармады. Содан соң олар 8 жасар қызды тапты. Бірақ оның сіңлісі мен інісі бар екені белгілі болды
Ерлі-зайыптылар қорықпай, бірден үшеуін алды. Айтпақшы, стереотиптер туралы. Балалармен алғашқы кездесуде 6 жасар Ерғали бірінші болып анасына жүгіріп барды, оны қатты құшақтап сүйді. Араларында жылы, сенімді қарым-қатынас бірден пайда болды. Қазір Бибігүл бала асырап алған ата-аналарға айрықша құрметпен қарайды. Иә, бұл оңай емес, дейді ана, бірақ басқалардың пікіріне қарамай, тек жүрегіңді тыңдасаң болды. Сонда кішкентай бала бар үйге үлкен бақыт енеді.
Ахметовтер отбасы
Солтүстік Қазақстан облысы
Азамат және Анар Ахметовтер отбасы көптен бері 2 жасқа дейінгі баланы асырап алғысы келді. Олар баланы республикалық деректер қорынан ұзақ іздеді. Кенет олар егіз ұлдарды көрді. Ал егіз бала – Анардың көптен бергі арманы. Әйел бәрі осылай болған соң, тағдырдың жазуы екенін бірден түсінді.
Ерлі-зайыптылар қабылдаушы ата-ана болды және балалардың диагноздары (орталық жүйке жүйесінің (ОЖЖ) гипоксиялық-ишемиялық зақымдануы, мойын омыртқасының жарақаты (С2-С3-С4 тұрақсыздығы), қозғалыс бұзылысы синдромы) оларға кедергі болған жоқ.
Азамат пен Анар өз қалаулары мен ақшалары болса бәрі түзеледі деп сенді. Сондай-ақ аяулы ата-ананың қамқорлығы мен жылуы да көмектеседі деп ойлады.
Өкінішке орай, балаларда көз аурулары пайда болды: жоғары миопия. Біреуінің көруі минус 6, ал екіншісінде астигматизм анықталды. Отбасы қазір осы ауруларды емдеумен белсене айналысып жатыр, оңалту курсын жалғастыруда. Әрине, жақсы мамандар, диагностика мен емдеу өте қымбат.
Алайда Ұлттық бала асырап алу агенттігінің ай сайынғы атаулы материалдық көмегінің арқасында отбасы барлық тексерулерге қажетті сомаға ие болды. Сонымен қатар ҰБА мамандары балаларды оңалту орталықтарына жолдамамен жіберуге белсенді түрде көмектеседі. “Осы емдік шаралардан соң балаларда айтарлықтай жақсару байқалды”- деп Ахметовтер атап өтті.
Звадскихтер отбасы
Алматы облысы Талғар қаласында тұратын Звадскихтер жұбы отау құрғалы бала асырап алуды армандаған. Олар ата-анасыз қалған баланы өз махаббатымен, мейірімімен жылытқысы келді. Жас жұбайлардың отбасылық өмірі жақсы қалыптасып жатты. Ерлі-зайыптылардың үш баласы бар – екі қыз және бір ұл. Алайда дархан мінезді Дмитрий мен Людмила жас кезіндегі арманын ұмытпады.
Осылайша, отбасында төртінші бала пайда болды – бір жасар Семен. Алдымен оны қамқорлыққа алды, 4 жасқа толғанда Семенді асырап алды. Бұл Семенде бірқатар аурулар болғанына қарамастан: туа біткен жүрек ақауы, микроцефалия, қысқа бойлық, психосөйлеу және психомоторлық дамудың кешігуі (ЗППР және ЗПМР) және церебральды сал ауруы. Махаббат, қамқорлық, үлкен тату отбасындағы жайлы атмосфера және дер кезінде жүргізілген оңалту баланың денсаулығын жақсартуда үлкен рөл атқарды.
Семён әкесімен көп уақыт өткізеді. Ол қазірдің өзінде әкесіне үй шаруашылығында көмектесе алады, көшет отырғызады, өсімдіктерді күтеді, омартада бал жинайды, тауық өсіреді. Арнайы мед. мамандар жүргізетін қалпына келтіру рәсімдері ҰБА оңалту жобасы аясында атаулы қаржылық көмек арқылы төленетінін атап өткіміз келеді. Семен психолог-дефектологпен, логопедпен жұмыс істейді, массажист пен кардиологқа барады.
Қазіргі таңда церебральды сал ауруының диагнозы Семённан алынып тасталды. «Ол өте мейірімді, ашық бала. Біз оны қатты жақсы көреміз! Жақында үлкен отбасы Семенның алты жасқа толуын атап өтті. Кейде өткені жайлы ұмытып кетемін, ол да менің туған балам! Иә, оның өзіндік ерекшеліктері бар, оның бар екеніне қуану керек, оның әрбір кішкентай жеңісіне қуану керек!» – деп бөлісті Семеннің анасы Людмила.
Пилоттық жоба туралы
-Балалар қабылданғаннан кейін реабилитолог дәрігерлердің тексеруін ұйымдастырамыз
-Балаларды медициналық оңалтуға және (немесе) педагогикалық түзетуге төлемдер жасаймыз
-Балаларға жасалатын оталардың ақысын төлейміз (қажет болған жағдайда)
-Қабылдаушы отбасына консультациялық және ақпараттық көмек көрсетеміз
189
асырап алынған бала (2022 жылдың мамыр айынан бастап) оңалту мүмкіндігіне ие болды
Жиі қойылатын сұрақтар:
ҚАМ оқу.
Egov.kz арқылы үміткер ретінде есепке қою.
Қазақстандық жетім балалардың деректер базасына қол жеткізу, балалардың сауалнамаларын қарау
ҚАМ-да оқу аптасына бір рет онлайн форматта өткізілетін 14 сабақтан тұрады. Оқу ұзақтығы 3,5 ай. ҚАМ сертификаты мерзімсіз.
Біз ұсынамыз. 2020 жылы заңнамаға ерлі-зайыптылардың екеуі де ҚАМ өтуі тиіс деген өзгерістер енгізілді.
Бала асырап алу, қорғаншылық және қамқоршылық, патронаттық тәрбие, қабылдаушы отбасы
75 АЕК көлемінде бір реттік төлем
Егер жылжымайтын мүлік жалға берілсе, жалдау шартын ұсыну керек
Некеде тұрмаған әйел қабылдаушы ана бола алады, некеде тұрмаған ер адамға отбасына бала қабылдауға рұқсат берілмейді.
Отбасының әрбір мүшесінің табысы белгіленген күнкөріс деңгейінен төмен болмауы керек
Қазақстан Республикасындағы тұрғылықты жеріңіз бойынша жергілікті атқарушы органға (қорғаншылық және қамқоршылық органдары) хабарласу қажет
Балалар құқығын қорғау комитетіне жүгіну керек
