«АНА ҮЙІ» ҚҚ өкілдері Алматыда өткен «БҰҰ-әйелдер» кездесуіне қатысты
«АНА ҮЙІ» қоғамдық қорының өкілдері Алматы қаласында «БҰҰ-әйелдер» құрылымы ұйымдастырған гендерлік теңдікті ілгерілету және Қазақстандағы әйелдердің құқықтары мен мүмкіндіктерін кеңейтуге арналған кездесуге қатысты.
Іс-шараға бизнес өкілдері, халықаралық ұйымдар және азаматтық сектор өкілдері жиналды. Қатысушыларға негізгі басым бағыттар таныстырылды: әйелдердің экономикалық мүмкіндіктерін кеңейту, гендерлік зорлық-зомбылықтың алдын алу және басқарушылық шешімдер қабылдауда әйелдердің рөлін арттыру.
Кездесуде Қазақстан мен Орталық Азия елдерінде жүзеге асырылып жатқан бастамаларға ерекше назар аударылды. Атап айтқанда, цифрлық және STEM-дағдыларды дамыту, әйелдер кәсіпкерлігін қолдау және әлеуметтік осалдықты төмендетуге бағытталған бағдарламалар талқыланды.
«АНА ҮЙІ» қоғамдық қорының миссиясы әйелдердің құқықтарын қорғауға бағытталған жаһандық құндылықтармен тікелей үндеседі. Қор қиын өмірлік жағдайға тап болған аналарға жүйелі көмек көрсетіп, жаңа туған нәрестелерден бас тартудың алдын алып, балалардың өз отбасында қалуына ықпал етеді.
Бүгінгі таңда Қазақстанның 16 қаласында 18 «Дом мамы» орталығы жұмыс істейді. Мұнда әйелдер уақытша баспанамен қатар, кешенді психологиялық, құқықтық және әлеуметтік қолдау алады.
