КҚО оқыту

Қор кәсіби қабылдаушы отбасыларды дайындай бастады. Оқыту Ақмола облысында былтыр іске қосылған КҚО институтын енгізу бойынша пилоттық жоба аясында жүзеге асырылуда. Оқу тренингтеріне 3 отбасы қатысады.

Кәсіби отбасы – балалар үйіне балама. Егер баланың ата-анасы қиын өмірлік жағдайға тап болса, онда баланың өзі интернат мекемеге емес, кәсіби отбасына орналастырылады.

Жобаның алғашқы қатысушыларының қатарында Мәди мен Бақыт Қажымұратовтар болды. Бастапқыда бұл Бақыттың ойы болатын, бірақ өз бетімен шешім қабылдай алмады. Нәтижесінде үйдегілердің бәрі анасының ұсынысын қолдады, бұл бізді қатты қуантады. Бір айдан соң ерлі-зайыптылар арнайы оқуды аяқтайды. Мәди мен Бақыт заңды түрде кәсіби қабылдаушы отбасы ретінде бекітілген соң, отбасына балаларды қабылдай алады.